Umuvugo:
ubwenge bwa ntabwoba
Nteruye iyi ntero
Ntiza intinyi
Ngo ntangire ntumike
Nagrike inganzo
5.Nsanze umugara.
Mukuvuka sinavunyishije
Ninatanga ikamba
Wenda ikondera
Rizatsikimba ubudatsikira
10.Ngo bicishije inzara
Igitsure cyanjye!!
Nta cyaha cy’icyana
Mucye mbacyahe
Icyiza mugifitiye icyena
15.nka bwa bwenge bwa ntabwoba
Waciye iryera
Ubwanwa bwa Se
Ngo ni ubutizanyo!!
Hambere hariho ho koko!!
20.Nanze irari n’iraha
Bambitse inkindi
Bikwira ku nkiko.
Wimvumira ikivi
Icyo ni ikizira
25.navamo bashira!.
Nashibutseho ubushake
Buzakuzonga ntuzuke
Buzagutitiza ntuture
Igihe ugitunze
30.ibimpubuza impamba.
Ubwenge bwa ntabwoba
Nibumwe bugerwa ku mashyi
Nibumwe bwicaye
Ntagutata bugatimariza
35.Ku murizo w’inganzo
Bugacumita icumu
Nyir’ingabe
Bumukeka nk’incike
Nkutagira kirengera
40.ikirango cye
Akacyubika mu nkike
Kikazazanywa naya nkuba
Imwe y’inkubaganyi
Igaterera iyo
45.isanzure rigasogongera!
Ubwenge bwa ntabwoba
Ni ubwaneguye bigumye
Inganji karinga
Ariyo dufite nk’akarango
50.Karanga ibyino.
Ubwenge bwa ntabwoba
Nubwacuritse icumu mu gicuku
Rigashishimura nta bushake
Rwa ruhu rwahoze
55.kubera iry’inaha.
Ubwenge bwa ntabwoba
N’ubwashoye ku bushake
Abenge mu ishyano
Ngo bacudike n’ibidunda
60.niba banze
Bazananguke bose
Batarenze ikirwa
Imbehe yabo
Ibe mbeho rimwe
65.imbamutima nzigenge
Nzigendere indeshyo
Natiruye ivata nkivuka
Ngo nzavuge nemye
Ubwo bwomanzi
70.Bw’ubwo bwenge bwa ntabwoba.
Wacugushije inkingi
Imwe mwamba
ngo mwikorezi izanuma
mbonabita yo ni cwe!
75.Adacunze uko zacumuranye
Ubwenge bwa ntabwoba
Ni ubwasogose nta gusigaza
Bugasiga ubusa
Mu gusara bukabusigura ntawasiganuje
80.bukarenze ingohe
Umusayuko wabwo
Wisunze isesereza.
Nsubiye ngasesengura
Iyo ndyarya
85.y’ubwenge bwa ntabwo
Iyo miringa yangabiye
Nakwigarika nkayigarura!
Ubwenge bwa ntabwoba
N’ubwaguguniye igufwa
90.mu igobe ry’imbwa
Nta gukenga na gakeya!!
Ubwenge bwa ntabwoba
N’ubwaciriye wino
Hafi ku ibaba
95.Bibyaye amabara
Amabanga arahahira
Ubwenge bwa ntabwoba
Nubwangereye ingendo
Ngo ndi ingimbi.
100.N’ubwangemuriye ingano
Ingando zigana isubikwa.
N’ubwanshengabirije inshuti
Bitagira inshuro
N’ubwashiririje ya mishinga
105.Ngashiduka nsinziriye baziko ndi mu isiganwa
Ubwenge bwa ntabwoba
Ni ubwangabiye amariza
Nkirutse amarozi
Ngo bandebe banyondore
110.atarandoye ndi umupfu
Ubwenge bwa ntabwoba
Ni ubwanyambikiye inkindi
Iyo ku nkiko
Bukanayinyamburira mu mbuga
115.mu ncyuro zitari na nkeya!!
Ubwenge bwa ntabwoba
Ni ubwasogose igikomere
Ngo igikundiro cyakomera
Amahoro akaza nta musoro
120.butaziko nta mwanzi uhindura indoor
Nta ni indahiro mu muriro
Nta muhuro w’ikiriyo
Nta rengero ryabuze itangiriro
Buri bushake bwose bushoboka
125.bushorerwa n’ubushobozi
Ubwenge bwa ntabwoba
N ubwatutse abiru
Bwacya bukabirukaho
Buti <<imibereho yahombye>>
130.imbyaro kubyumva zabyanze
Kabone naho
Ibi byaha byacu
Byaba ibyoroshye
Ntibyadukundira kubyikorera
135.byaba ari nka bwa bwenge
Bumwe bwa ntabwoba
Butanga bugatirura
Bwihenura bwarangiza bugahembesha
Buvuma bukavogera
140.butinda bugatikura
Iri sanzure ryose
Ni irisazi bisanzwe
Reka nsabe unsindagiza
Ansegurire abasazi
145.Abasange abasohore mu buvumo
ubwo bugengwa na bujiji
abajijure abajandure.
imitwaro itari iya gitwari
atware atwike
150.avune avume
Kuko ni ubusazi
Buhetse ubundi
Kuvuruganya itarese
Gucunda utateretse
155.byaba aka bwa bwenge
Bumwe navuze cyane.
Interuro uko nayiteruye
Ntekereza bwabitoye
Reka nsubire nsubike
160.Nsubukure nseke
Kuko nyuma yuyu musayuko
Nzabasura dusase inzobe
Twicare mu gacaca
Ducoce neza ibyo nasize ari uducogocogo
165.Ndore neza
Niba ino
Ubwema bwarimitswe
Ubwa ntabwoba bwarimutse
Uwitsamuye mu mwikiriza
170.nta bwenge bwa ntabwoba
UMUSIZI TUYISENGE
OLIVIER
IGISIGO YAGIHIMBWE
MATA 2017
