Amaso Ararengana

Benshi muri twe
Ikiremwa muntu
Turicuza cyane
Tukigunga bikomeye

5.Tukarenganya amaso.
Ati iyo atamubona
Ngo amushime
Sinakabaye mushaka
Mbangamiwe mbabaye

10.Amaso ararengana!!
Ndaha ndembye
Nkunda ntakundwa
Nseka nsuherewe
Mvuga ntegwa

15.Agahinda ari kose
Amaso ararengana
Nuwo mutima
Utumva utitiriza
Ubudatuza rwose

20.Ubwirwa ntiwemere.
Usaba ntusubizwe
Unengwa ntiwemere
Uburana ubusa
Isambu idasobanutse
25.Amaso ararengana
Ni umutima utumva
Utekekereza cyane
Ugatongana bishoboka
Utonganira urukundo

30.Rwabandi rwose!!
Isambu idasanzwe
Utanabonaho umunani
Utuza ugategekwa
Ugahabwa ibihari

35.Amaso ararengana!
Yego ni amaso
Yamubonye aserutse
Umutima umushukuriye
Ndashima ndamushaka

40.Ndamukunda ndamukumbura.
Yego nanone
Ni amaso byo
Ysmubonye uburanga
Burayarangaza burira

45.abona bwa bwiza bwose!
Amaso ararengana
Umutima niwo watuje
Uratekereza neza
Uremeza cyane

50.umuhitiramo gutoranwa.
Ndi mu karengane
Ngabo nziza
Nganiriza ngane he?
Ngaragarize ingorane

55.Bakankiza bakankiranura?
Ngane he?
Ngane inganda se?
Bankorera undi mutima?
Utuzuye ibimbangamira?

60.Bindaza ndota.
Utabyemera utabyitayeho
Utanankumbura utanankunda
Uwo mpora ntota
Mutota ibitamurimo

65.Mubuza amahwemo.
Ngane ishuri se?
Nzane inzobere
Zinyigishe byinshi
Bishobora kumfasha

70.amaso ararengana!
Ngane inkiko se?
Ntange ikirego?
Uyu mutima
Bawufate bawufunge

75.ubabare wumve?
Bawuryoze uburyarya
Ububeri n’ububeshyi
Kwibeshya bihambaye
Igituma wambeshye

80.Ko ntakabuza yankunda.
Amaso ararengana
Uyu mutima
Niwo wanjijishije
Nshiduka nemeje

85.Uwo nzi ntazabona.
Aaaaa oyaaaa!!
Windora warandindije
Iyo utekereza neza
Mbere yose

90.Mba mbaye nkuku?
Warangiza ntasoni
Ukirega ukiregura
Ngo ni amaso
Atagira amasoni

95.Yanshutse ngacikwa!!
Amaso ararengana
Ariko se ubundi
Ko ari nayo yayo
Yo yarebaga iki?

100.kidasanzwe nkaburiya?
Ariko se nanjye
Ntayarenganyije se?
Njye nakundaga iki?
Kirahari cyane

105.Kihishe muri wee!
Amaso ararengana
Ni ibyiyumviro byasaze
Ni amarangamutima yacu
Arenga akarengera

110.agakunda atabajije
Agasiga asobanya
Akaryama adasenze
Agatera adatekereje
Akavuga atuvunyishije

115.Akishima aho adashikira
Agakunda cyane
Utayakwiye bigaragara
Ukwiye intore
Utegerejwe ni intiti

120.Yamaramaje yaminuje!!
Amaso ararengana
Ibyaha byose
Niby’umutima
Ni amarangamutima adatuza

125.Akunda uwo ashaka.
Akamushima wese
Kabone rwose
Naho wowe
Nyirayo atagushaka pee!

130.Yo aramushima bishoboka.
Kwitsa imitima
Guta umutuzo
Guceceka igihe
Bisa nk’umusaruro

135.Usarurwa rwose.
Igihe cyose
Umutima wicaye
Ukemeza neza
Udashiduka udashidikanya

140.ko washutswe neza
Bityo rero
Sinakureba rwose
Ngo nirenganye
Ni umutima

145.Amaso ararengana.